弟兄姊妹，主內平安！
踏入「將臨期」呢個教會年曆嘅第一個節期，讓我哋藉着聆聽詩歌、默想、祈禱一齊記念主耶穌基督嘅降生，並仰望佢再次降臨。請先安靜片刻，呼求聖靈同在。
喺頭三次嘅「默想聖詩」，我哋會聆聽「What Child Is This」呢首傳統嘅英文聖詩，並從三個向度默想主耶穌基督降臨呢個事件。上次我哋聽咗一個比較傳統嘅詩班合唱版，今次我地嚟聽一個modern啲嘅結他獨唱版。
Verse 1
What Child is this
Who laid to rest
On Mary’s lap is sleeping?
Whom Angels greet with anthems sweet,
While shepherds watch are keeping?
Chorus
This, this is Christ the King,
Whom shepherds guard and Angels sing
Haste, haste, to bring Him laud,
The Babe, The Son, Of Mary.
Verse 2
Why lies he in such mean estate
where ox and ass are feeding?
Good Christian fear: for sinners here
the silent Word is pleading.
Verse 3
So bring Him incense, gold and myrrh,
Come Peasant, King, to own Him
The King of Kings salvation brings,
Let loving hearts enthrone Him.
第一節
是何等嬰孩 安睡在 馬利亞的懷裏？ 天使以歌聲恭迎祂， 牧羊人也為祂守夜。
副歌
這位、這位就是基督君王， 牧羊人守望祂，天使歌頌祂。
快來、快來，來讚美祂， 這嬰孩，是馬利亞的兒子。
第二節
為何祂躺在這樣卑微之處， 竟睡在牛驢餵食的地方？
信徒當敬畏：為了罪人的緣故， 聖道正在默默代求。
第三節
獻上乳香、黃金與沒藥， 無論庶民或君王都來承認祂。
萬王之王帶來救恩， 讓敬愛的心成為祂的寶座。
上次我哋集中思想第一節歌詞嘅內容，呢個叫人驚訝嘅嬰孩究竟係邊個、佢嘅降生同我哋有咩影響。今次我哋睇第二節歌詞嘅信息，呢個喺馬槽出生嘅嬰孩，竟然係神的兒子，呢個紆尊降貴嘅嬰孩，係謙卑嘅典範！
神嘅兒子蒞臨世間，冇天軍天使前推後擁，冇號角聲、冇浩浩蕩蕩嘅排場，冇雍容華貴嘅住處，係一個簡陋嘅馬槽出生。耶穌基督選擇咗用咁謙卑嘅方式降生，呢件事對我哋有咩啟發？
詩歌第二節嘅信息，就係這個「嬰孩嘅謙卑」。耶穌基督嘅謙卑唔係懦弱，反而係證明神超乎人所能夠理解嘅智慧，同埋救贖世人嘅決心！
請聆聽一段經文：〈希伯來書〉第二章6～8節：
6 他本有神的形像，與神同等，卻不認為這同等要抓住不放，
7 反而倒空自己，取了奴僕的形像，成為人的模樣；既有人的樣子，
8 他就自甘卑微，順服至死——甚至死在十字架上。
9 因此，神高舉了他，成為至高，給他那超乎萬名之上的名，
10 使天上的、地上的和地底下的一切，全都屈膝跪拜在耶穌的名字前，
11 全都口裏宣認耶穌基督是主，把榮耀歸給父神。
〈腓立比書〉呢首詩道出咗基督嘅徹底謙卑。佢本有神嘅形象，與神同等，即係話，基督係創造主，而唔係受造者。但係為咗拯救我哋，創造主竟然成為受造者，用人嘅樣式、語言同行動救贖我哋。讓我哋都思想一下基督呢個虛己嘅行動對我哋嚟講有咩意義：
- 基督放低創造主嘅尊貴地位，披上受造者嘅卑微樣式。佢點解選擇呢個方法，佢想向我地表達咩信息？
- 創造主為愛世間屬自己嘅人而甘願成為卑微，基督嘅虛己對你有咩啟發？
神用咗人無法想象嘅方式進入世界，又用咗人無法接受嘅方式拯救人，我哋對耶穌基督虛己仲有冇呢份驚訝同震撼呢？我哋點樣回應耶穌基督嘅虛己？我哋都一邊聆聽詩歌，一邊思想下。
我哋一齊祈禱：
慈愛嘅天父，感謝祢藉着主耶穌基督嘅降生賜予我哋真正嘅生命。不過，我哋身處香港呢個繁囂都市，每日努力為學業、工作、家庭忙碌打拼，難免忽略咗呢件咁震撼、咁重要嘅事。天父啊，求祢幫助我哋喺呢個將臨期再次將焦點放喺主耶穌身上，透過認識主耶穌而認識天父祢嘅旨意同埋教導。
親愛嘅主耶穌，感謝祢為拯救我哋而親臨世間，不惜喺卑微嘅馬槽謙卑誕生。願祢嘅大愛再次感動我哋、再次震撼我哋，以致我哋明白到惟有喺祢裏面先至有真正嘅平安、喜樂、同埋生命！
內住人心嘅聖靈，求祢時刻提醒同引導我哋，仰望主耶穌，認識並且實踐主嘅教導，扭轉我哋為生活而營營役役嘅生命，轉化我哋成為幫助貧窮、輔助軟弱、安慰傷心嘅福音使者，在世上為祢作見證！
願榮耀歸於聖父、聖子、聖靈。阿們。